كيف تحسب قطر السلك المناسب لريجاتك

تعددت اﻷسئلة الفترة اﻷخيرة حول قطر السلك المناسب و اﻵمن لتشغيل الريجات خصوصا من لديهم أكثر من ريج
لذلك حبيت اشرح الموضوع ده لعله يفيد أى حد بيسأل 


أولا ده 

جدول يوضح قطر السلك بالملى متر مربع  و قيمة تحمله من اﻷمبير

الحساب ازاى ؟؟؟

بشكل مبسط جدا بدون تفاصيل فنية ..

المعادلة اﻷساسية  المبسطة

 الواط = فولت * أمبير

فأنت هتحسب أقصى سحب لجهازك بالواط و تقسم الحمل ده على 220 فولت هيطلع لك سحب اﻷمبير
تاخده و تشوف قطر السلك المقابل له فى الجدول اللى فوق
و يفضل أنك تزود فى قطر السلك 1 مم كمان للأمان

مثال :
انا عندى 3 ريجات كل ريج  ريج  6 كروت RX 580
طيب الكارت على أقصى سحب له لو بتعدن عملتين فرضا يعنى 170 واط
فانت اضرب 170*6 = 1020
و بقية المكونات قول 100 واط
يبقى كده السحب الاجمالى للريج الواحد 1100 واط تقريبا
يبقى الحمل الاجمالى  لل3 ريجات 3300 واط
طيب المعادلة بتقول الواط = فولت * أمبير
يبقى علشان احسب الامبير  = الواط/ الفولت
الامبير = 220/3300 =  15 أمبير
طيب هنرجع للجدول
 هنلاقى ان 15 امبير محتاج كابل 2 مم
فاحنا للأمان ممكن نستخدم كابل 3 مم مثلا


ملحوظات هامة

1-  مهم جداأنك تستخدم سلك شعر و ليس مصمت 
و كمان تكون  انواع من السلوك نضيفة و البعد عن اﻷنواع الرديئة
فلو ماكنش السويدى متوفر او كان سعره مبالغ فيه جدا
المهندسين نوعية كويسة و سعرها معقول

2- الحسابات دى على حساب ان الجهد  عندك 220 فولت و ده افتراض نظرى لان فى اماكن كتير فى مصر
خصوصا فى اﻷقاليم ( الا اذا كان عندك مثبت جهد (ستابيليزر اوتوماتيك ) 
الجهد بيكون أقل من 220  فولت و ده معناه ان سحب الامبير هيزيد لان لازم يكون حاصل الضرب بتاعهم ثابت
فبالتالى   ساعتها انت هتقيس أقل جهد بتوصل له عندك فى ساعة ا لذروة و هى عادة بعد المغرب لحد الساعة 12 بالليل...

 فرضا انك لقيته 170 فولت
فأنت  بدل ما تقسم الحمل الاجمالى  على 220 فولت  هتقسم على 170 فولت
يبقى بالرجوع للمثال اللى فوق
3300واط / 170 فولت = 19.4 أمبير
و ده معناه ان محتاج قطر سلك أكبر علشان يتحمل سحب اﻷمبير اﻷعلى

3- ممكن ترتاح من الحسابات و تطلع بنتايج دقيقة مش تقديرية انك تستخدم جهاز اسمه Power meter
وده بيتوصل  على الريج و بيقيس السحب الفعلى للكهربا بالواط و انت تقسم واط/ فولت علشان تطلع اﻷمبير

و فى منه موديلات أعلى بتقيس الفولت و اﻷمبير بشكل مباشر
 مش الواط بس فبالتالى انت تقدر تطلع سحب الامبير الحقيقى بدون حسابات

السحب الاجمالى 838 واط

السحب بالامبير 3.967  امبير

الجهد 
214 فولت

4- انصح بمراجعة الموضوع ده لمزيد من النصائح الهامة

نصائح حول التوصيلات الكهربائية لجهاز التعدين

http://arabicmanjam.blogspot.com/2017/10/blog-post.html

.
.
.
أرجو أن يحوز الموضوع اعجابكم
الموجود جهد شخصى و غير منقول من أى مصدر عربى أو أجنبى

لطلبات تجميع الريجات و تعديل  و بيع المكونات و  باورات الوركستيشن
https://www.facebook.com/arabicmanjam